Жыл сайын көктемгі мереке қарсаңында біздің «Ақниет» бөбекжайымыздың әр топтарында көрмелер ұйымдастырылады. Биыл да ерекшелік болған жоқ: «Көктем қиялы» деп аталатын көрмеде әртүрлі материалдардан жасалған көптеген қызықты, ерекше суреттер мен қолөнер бұйымдары ұсынылды: қазақтың киіз үйінің макеті, алтыбақан әткеншегі, бәйшешек гүлдері. Бірлескен шығармашылық ата-ана мен бала арасындағы өзара байланысты нығайтуға, қиялын дамытуға, ұлттық салт-дәстүрлерге қызығушылықты қалыптастыруға қызмет ететінін атап өткім келеді.