«Мектеп тәрбиесіндегі ата-ана ролі» тақырыбындағы «АШЫҚ ЕСІК КҮНІ» Мектеп пен жанұя бірлігі – оқушыларды жан-жақты дамытудың бірден – бір құралы. «Жас бала – жас бір шыбық, жас күнде қай түрде иіп тастасаң, есейгенде сол иілген күйінде қатып қалмақ» деп түйіндеген Мағжан Жұмабаев. Ал Макаренко: «Тәрбие – баламен сөйлесумен, оған ақыл-кеңес берумен ғана шектелмейді.Тәрбие тұрмысты дұрыс ұйымдастыра білуде, балаға әркімнің өз жеке басы арқылы үлгі-өнеге көрсетуінде»,- деген екен. Міне, осы мақсатта, «Мектеп тәрбиесіндегі ата-ана ролі» тақырыбында 21.12.2019 жылы мектебіміздің 1- сынып жетекшілері Динара Аманжолқызы Бакирова, Дина Танатовна Мухаметжанова , Гүлбақша Төлегенқызы Ахмет, Гульнур Серикқызы Оспанкулова мен Динара Маратқызы Мараттың ұйымдастыруымен «АШЫҚ ЕСІК» күні өтті. Ашық есік күнінде мектеп бойынша экскурсия жүргізіліп, «Ұлы дала мұрагерлері» форумында мектеп оқушыларының жүргізілген ғылыми-шығармашылық жұмыстары таныстырылды. Мектеп өмірінің қалай өтетіні жайлы ақпарат берілді. 1- сынып жетекшілері өз сынып оқушыларының жетістігі, кемшілігі, проблемасы, темпераменті туралы ақпараттараттандырып, кездесу кезінде әр ата-анаға жекелеген түрде баласының оқу- үлгерімін арттырудың жолы туралы ақыл-кеңес берілді. Бұл «Ашық есік» күнінің тағы бір ерекшелігі, 1-сыныпқа сабақ беретін пән мұғалімдері де қатысып, оқушылар туралы кеңінен мағұлұмат берді. Кездесу барысында ата-аналарға «Балалардың өмір-қауіпсіздігі өз қолымызда» атты видео-роликтер, слайдттар көрсетілді. Ашық есік күні өте жоғары дәрежеде өтті. Кездесу соңында « Кері байланыс» жасалды.