Өнегеге толы өмір!
Аса құрметті Нұрсахан Ахметқызы!
Сіз, жүрегі Алаш деп соққан ұстазсыз, әрқашанда өңіріміздің тарихшыларын қолдап жүресіз!
Әлихан Бөкейхан атындағы № 76 жалпы білім беретін орта мектебінде жылда өтетін дәстүрлі «Тұлғатану» ғылыми-тәжірибелік конференцияда жыл сайын келіп, оқушылардың өткен тарихқа деген қызығушылығын байқап, баға беріп жүресіз және мектеп өмірімен үнемі тығыз байланыста бола білдіңіз, осындай игі шаралардың басы – қасында болғаныңыз үшін сізге мың алғыс!
Әрбір адамның өзіне тән ғұмыр жолы, тіршілік баяны бар, бірақ еткен еңбек, көрген бейнет, татқан зейнет, алған асу, жеткен биік әркімнің өмірінде әрқилы. Оны сырт көз өздерінше бағалап та жатады. Сондағы жалпының іздейтіні біреу: ол – кісілік келбет, азаматтық тұлға. Сіздің кісілік келбетіңіз, ер - азаматқа бергісіз азаматтық тұлғаңыз көпшіліктің жүрегінен орын алғаны баршаға аян.
Әлихан Бөкейхан атындағы №76 жалпы білім беретін орта мектептің ұстаздар қауымы мен озат ойлы оқушылары сізді 70 жасқа толған мерейлі тойыңызбен құттықтай отыра: өзіңізге денсаулық, шығармашылық табыс, ұзақ ғұмыр, әулетіңізге баянды бақыт тілейді!
Құрметпен, Әлихан Бөкейхан атындағы №76 жалпы білім беретін орта мектебі
Авторство:
