2017 жылдың 3 қарашада бекітілген құқықтық көмек және құқықтық насихаттаусаласындағы меморандумды орындау  бойынша 28 қараша күні  Қарағанды қаласының Октябрь аудандық сотымен Әлихан Бөкейхан атындағы №76  жалпы білім беретін орта мектебінің ұстаздары арасында «Нормативтік құжаттар бойынша педагогтармен жұмыс» тақырыбында семинар  өтті.

Семинарға қалалық білім бөлімінің бас маманы  Г.Т. Хасенова және Октябрь аудандық сотының судьясы Н.Т. Абылханов., Қарағанды облыстық сотының судьясы М.А. Азбанбаев қатысты.

Семинар барысында Октябрь аудандық сотының кеңсе меңгерушісі Е.Хуанган «Сотта іс-қағаздарын жүргізу ережелері» бойынша педагогтарға ақпарат берді. Қарағанды облыстық сотының судьясы М.А. Азбанбаев «Теорияның түб-төркіні: тәрбие» тақырыбында баяндама жасады.

Семинар соңында педагогтар көкейде жүрген ойларын ортаға салып, сұрақтарына жауап алды.

Мектебіміздің директоры А.А.Жалелов «Рухани жаңғыру» бағдарламасы аясындағы «Қазақстандық патриотизм және саналы азамат» жобасын іске асыру барысында жүргізілетін іс-шаралар жоспарымен таныстыра отырып, екі жақты келісім жасады.