14-11-25 ж, №88 орта мектепте  «Ұшқыр ой алаңы» жобасы аясында дөңгелек үстел өтті

Білім мен шығармашылықты ұштастыра отырып, оқушылардың ой-өрісін кеңейтуге бағытталған «Ұшқыр ой алаңы» жобасы аясында мектебімізде мазмұнды дөңгелек үстел ұйымдастырылды. Шараға 3- 4 сынып оқушылары, пән мұғалімдері,мектеп директоры Мухамедина Г.К.қатысты.

Дөңгелек үстел барысында оқушылар өз ойларын еркін жеткізіп, түрлі тақырыптарда пікір алмасты. Әсіресе, 10-сынып оқушысы Борченко Марк пен 11-сынып оқушысы Нигматулина Калиманың жетістіктері ерекше аталып өтті. Марк — жеңіл атлетикадан облыс чемпионы және республикалық жарыстардың бірнеше дүркін жүлдегері болса, Калима — хоккейден әлем чемпионатының күміс жүлдегері. Шара барысында қатысушылар білім, спорт, өнер және көшбасшылық тақырыптарында ой бөлісіп, өз тәжірибелерімен бөлісті. Мұндай кездесулер оқушылардың өзін-өзі дамытуына, сыни ойлау қабілетін арттыруға және болашаққа деген сенімін нығайтуға ықпал етеді.

«Ұшқыр ой алаңы» жобасы аясында өткен дөңгелек үстел соңында мектеп директоры Мухамедина Гулмира Кабдулашимовна қатысушыларға алғысын білдіріп, жастардың белсенділігі мен жетістіктерін жоғары бағалады.

Директор өз сөзінде:

* Оқушылардың білімге, спортқа және шығармашылыққа деген құштарлығы — мектептің басты мақтанышы екенін атап өтті.

* Борченко Марк пен Нигматулина Калиманың халықаралық және республикалық деңгейдегі жетістіктері — барлық оқушыларға үлгі болатынын айтты.

* Мұндай жобалар оқушылардың сыни ойлауын, көшбасшылық қабілетін және өмірлік дағдыларын дамытуға ықпал ететінін ерекше атап өтті.

Іс-шара соңында мектеп директор, қатысушыларға сәттілік тілеп, алдағы уақытта да осындай мазмұнды кездесулер жалғасатынына сенім білдірді.