25 мамыр күні 88-мектепте соңғы қоңырау салтанатты түрде аталып өтті. Саптық жиын мектеп ауласында ұйымдастырылып, оған 11-сынып бітірушілерімен бірге 1, 4 және 9-сынып оқушылары қатысты. Шара барысында оқушылар ұстаздарына алғыс айтып, өнерлерін көрсетті. Дәстүр бойынша 1-сынып оқушысы мен мектеп бітіруші бірге қоңырау соғып, балалық шақпен қоштасу мен жаңа өмірге қадам басудың белгісін жасады.

Бұл күн – түлектер үшін өмір бойы есте қалатын ерекше әрі жауапты мереке. Қазақта «Білім – өмір шырағы» деген мақал бар. Соңғы қоңырау – сол шырақты алаулатып, жаңа жолға шығудың бастамасы.