Кәсіби бағдар аясындағы «Ашық есік күні» 2026 жылғы 4 мамыр күні Қарағанды технология және сервис колледжінде ұйымдастырылған «Ашық есік күні» іс-шарасына №91 жалпы білім беретін мектептің 9 «А» сынып оқушылары барып қатысты.

Аталған іс-шараның негізгі мақсаты – білім алушыларға кәсіби бағдар беру, олардың болашақ мамандықты саналы түрде таңдауына ықпал ету, сондай-ақ колледждегі білім беру бағдарламалары мен оқу мүмкіндіктері туралы жан-жақты ақпарат беру болып табылады.

Іс-шара барысында оқушылар колледждің құрылымымен, оқу кабинеттерімен, зертханаларымен және материалдық-техникалық базасымен танысты. Сонымен қатар, оқытушылар мен қабылдау комиссиясының өкілдері тарапынан мамандықтар туралы толық мәлімет беріліп, оқу шарттары, қабылдау талаптары және студенттік өмір ерекшеліктері түсіндірілді.

Кездесу барысында оқушылар өздерін қызықтырған сұрақтарын қойып, тиісті жауаптар алды. Бұл өз кезегінде олардың кәсіби қызығушылықтарын арттырып, болашақ мамандықтарын таңдауда нақты бағыт-бағдар алуына мүмкіндік берді.

Осындай кәсіптік бағдар беру іс-шаралары білім алушылардың жеке қабілеттерін анықтауға, еңбек нарығындағы сұранысқа ие мамандықтармен танысуына және саналы таңдау жасауына оң әсерін тигізеді. Жауапты:  Ахметова Алия Муратовна.     

#АдалАзамат

#ЕңбекқорлықжәнеКәсібибіліктілік

#goroo_krg