9 қыркүйек күні Әл-Фараби атындағы мектеп-гимназиясында 10–11 сынып оқушыларына «Криминалистикадағы заңдылық және құқықтық тәртіп қағидаты» және «Нашақорлыққа жол жоқ!» тақырыптарында лекция-сұхбат өткізілді.

Іс-шараға Қарағанды облысы Полиция департаментінің Жедел-криминалистикалық басқармасының қызметкерлері қатысты:

-басқарма бастығының орынбасары, полиция полковнигі Смағұлов Сұлтан Ермекұлы;

-басқарма криминалисі, полиция капитаны Жүсіпова Аида Мэлсқызы;

-басқарманың бас криминалисі, полиция подполковнигі Зайцев Егор Михайлович.

Кездесу барысында мамандар оқушыларға заңдылық пен құқықтық тәртіпті сақтаудың маңыздылығы, құқық бұзушылықтың алдын алу, сондай-ақ есірткі заттарын қолдану мен таратудың зардаптары туралы түсіндірме жұмыстарын жүргізді.

Іс-шара жоғары деңгейде ұйымдастырылып, мазмұнды өтті. Оқушылар мамандардың ақпараттарын қызығушылықпен тыңдап, әңгімелесуге белсенді қатысып, өздерін қызықтырған сұрақтарын қойды.