«Ақниет» бөбекжайы КМҚК кешенінде мектепке дейінгі ұйымдардың педагогтеріне арналған «Біртұтас тәрбие» бағдарламасы аясында «Әжелер мектебі» бағыты бойынша «Әжелер мектебі – ұлттық құндылықтар қайнар бұлағы» тақырыбында ұйымдастырылған театрландырылған шеберлік алаңы өтті. «Ақниет» бөбекжайы және «Таңшолпан» бөбекжайы педагогтері әжелердің тәрбие дәстүрлері мен тәжірибелерін жаңа қырынан көрсетті.
Шеберлік алаңында қатысушылар ұлттық салт-дәстүрлерімізді көлеңке театры арқылы тамашалап, «Әжелер жәдігері – ұлттық қолөнер маржандары» атты кешенді шеберлік сыныптарында ши тоқу, киіз басу, этно қоржындар, этно шеңберлер, жіп есу өнерлерімен танысты.