Сәуір айында КГКП «Ақниет» балабақшасында «Батарейканы тапсыр – планетаны сақта!» атты экологиялық акция өтті. Аталған акция барысында педагогтар балаларды «Қоқысты сұрыптаймыз» дидактикалық ойынымен таныстырды. Балалар батарейкалардың қауіпті қалдықтарға жататынын, яғни қауіптіліктің бірінші класына кіретінін білді. Мұндай қалдықтарды қарапайым жолмен тастауға болмайды, оларды арнайы контейнерлерге салып, әрі қарай қауіпті қалдықтарды өңдеу пункттеріне жіберу қажет. Қазіргі таңда саусақ батарейкалары кеңінен қолданылады, оларсыз гаджеттер мен тұрмыстық техникалар жұмыс істей алмайды. Оларды кез келген жерден кездестіруге болады. Тек бір ғана тасталған батарейка үлкен аумақты, сондай-ақ су көздерін ластайды. Егер біз ластанған суды тұтынатын болсақ, оның салдары түрлі ауруларға әкелуі мүмкін. Алайда көптеген адамдар бұл туралы ойланбайды, сондықтан біздің міндетіміз – қауіпті қалдықтарды дұрыс емес жолмен жоюдың салдары қаншалықты зиян екенін түсіндіру. Бұл акцияға балабақшамыздың барлық тәрбиеленушілері мен олардың ата-аналары белсенді қатысты. Осындай экологиялық акцияларға қатыса отырып, балалар өздеріне және қоршаған ортаға қамқорлық жасауды үйренеді. Біз педагогтар балаларға мұны кішкентай кезінен бастап түсіндірсек, экологиялық жағдайымыз міндетті түрде жақсарады деп сенеміз.