1 мамыр – Қазақстан халқының бірлігі күніне орай 2 «Ә» сынып оқушылары «Әлем балалар көзімен» тақырыбында мектеп ауласындағы асфальтқа сурет салу шарасын өткізді.
Іс-шараның мақсаты – оқушыларға достық, бірлік, татулық ұғымдарын түсіндіру, олардың шығармашылық қабілеттерін дамыту және Отанға деген сүйіспеншілігін арттыру.
Балалар түрлі-түсті борлармен өз қиялдарындағы бейбіт әлемді бейнеледі. Суреттерінде көгілдір аспан, жарқын күн, гүлдер, көк ту, достықта өмір сүріп жатқан түрлі ұлт өкілдері көрініс тапты. Әрбір жұмыс баланың ішкі әлемін, мейірімділігін және бейбіт өмірге деген тілегін көрсетті.
Шара барысында оқушылар бір-біріне қолдау көрсетіп, ұйымшылдық пен достықтың үлгісін танытты. Кішкентай жүректерден шыққан әрбір сурет – бейбітшілік пен бірліктің жарқын көрінісі болды.
Осындай тәрбиелік мәні зор іс-шаралар оқушыларды татулыққа, сыйластыққа және елін сүюге тәрбиелейді.

#1мамыр_БірлікКүні #ҚазақстанХалқыныңБірлігіКүні #ДеньЕдинстваНародаКазахстана