05.12.2025 жылы Қарағанды облысының білім беруді дамыту оқу-әдістемелік орталығының ұйымдастыруымен «Таңшолпан» бөбекжайы» КМҚК базасында  «Мен бақытты баламын» жобасы аясында «Эмоцияларды тану – болашаққа қадам» тақырыбында облыстық семинар өткізді.
Іс-шара «Таңшолпан», «Аяла» және «Аққыз» бөбекжайларымен бірлесе ұйымдастырылды.
Семинар барысында педагогтар мектепке дейінгі жастағы балалардың эмоционалдық интеллектісін дамытуға арналған заманауи тәсілдерді талқылап, тәжірибе алмасты.
Балалардың өз эмоцияларын тануы, түсінуі және білдіруіне көмектесу мәселесіне ерекше назар аударылды, себебі бұл әрбір баланың жарқын болашағына бастар маңызды қадам.
Семинар жылы да шығармашылық атмосферада өтіп, мамандарды біріктіріп, кәсіби қарым-қатынас пен шабыт алу алаңына айналды.
Барлық қатысушыларға белсенділігі, бастамашылдығы және мектепке дейінгі білім беруді дамытуға қосқан үлесі үшін алғыс білдіреміз!