КӘСІПТІК БАҒДАР БЕРУ 2026
2026 жылғы 17 сәуірде 9 «Д» сынып оқушылары кәсіптік бағдар беру жұмысы аясында индустриалды-технологиялық колледж ұйымдастырған ашық есіктер күніне барды. Экскурсияның негізгі мақсаты – оқушыларды әртүрлі мамандықтармен таныстырып, болашақта кәсіби білім алу мүмкіндіктері туралы мәлімет беру болды.
Оқушылар колледждің материалдық-техникалық базасымен танысып, арнайы кабинеттер мен шеберханаларды аралады. Онда заманауи құрал-жабдықтар көрсетіліп, оқу үдерісінің ерекшеліктері түсіндірілді. Колледж оқытушылары мен өкілдері сұранысқа ие мамандықтар, оқуға түсу шарттары, оқу мерзімі және оқу орнын бітіргеннен кейінгі жұмысқа орналасу мүмкіндіктері туралы жан-жақты ақпарат берді.
Әсіресе, оқушылардың қызығушылығын практикалық сабақтар мен көрсетілімдер арттырды. Бұл оларға әртүрлі мамандықтардың қыр-сырын жақынырақ танып-білуге мүмкіндік берді. Сонымен қатар, оқушылар өздерін қызықтырған сұрақтарын қойып, толыққанды жауаптар мен пайдалы кеңестер алды.
Осындай іс-шаралар оқушылардың болашақ мамандығын саналы түрде таңдауына ықпал етіп, олардың ой-өрісін кеңейтеді және алдағы білім алу бағытын айқындауға көмектеседі.
Біздің мектеппен жұмыс жасайтын кәсіби бағдар беруші Бычкова Лариса Петровна +7 701 615 1248
Авторство:
