*«Altynsaqa.online» республикалық олимпиадасының мектепішілік кезеңі* Бүгін 5–6-сынып оқушылары арасында «Altynsaqa.online» республикалық олимпиадасының мектепішілік кезеңі өткізілді. Олимпиаданың негізгі мақсаты — оқушылардың логикалық ойлау қабілетін дамыту, сыни тұрғыдан ойлау дағдыларын қалыптастыру, дарынды және қабілетті оқушыларды анықтау, сондай-ақ еліміздің олимпиадалық резервін қалыптастыру. Олимпиада барысында оқушылар өздерінің зияткерлік қабілеттерін көрсетіп, тапқырлықтарын, аналитикалық ойлау дағдыларын және стандартты емес шешімдер табу қабілеттерін танытуға мүмкіндік алды. Олимпиадаға қатысу оқушылардың танымдық қызығушылығын арттыруға, білім алуға деген ынтасын күшейтуге және олардың зияткерлік әлеуетін ашуға ықпал етеді. Барлық қатысушыларға алдағы уақытта толағай табыс, жаңа жетістіктер мен жеңістер тілейміз! Білімге деген құштарлық, табандылық пен өз күшіне деген сенім болашақ жетістіктеріңіздің кепілі болсын!