Алматы қаласындағы
Ш. Уәлиханов атындағы жекеменшік мектеп базасында «Дарын» республикалық ғылыми-практикалық орталығының ұйымдастыруымен «Тілді оқыту үдерісіндегі кең ауқымды дағдыларды қалыптастырудың тиімді жолдары» тақырыбында республикалық оқу-әдістемелік семинары өтті.
Семинарға еліміздің түкпір-түкпірінен 130-дан астам мұғалім қатысып, өзара тәжірибе алмасты. Шара барысында 28 спикер білім берудегі тиімді әдіс-тәсілдер бойынша мазмұнды баяндамаларын ұсынды. Қатысушылар тілдік дағдыларды дамыту, жасанды интеллект мүмкіндіктерін сабақта тиімді пайдалану, сондай-ақ оқытудың инновациялық тәсілдері туралы өз ойларымен бөлісті. Пәндік бағыттар бойынша шеберлік сыныптары өткізіліп, педагогтердің кәсіби дамуына үлкен мүмкіндік жасалды.
Осы ауқымды іс-шараның ең маңызды әрі қорытынды бөлімі — «Олимп шыңы» республикалық пәндік олимпиадасы болды. Еліміздің ең білікті мамандары бақ сынаған бұл додада біздің мектебіміздің атынан қатысқан ағылшын тілі пәні мұғалімі Сыздыкова Айсулу Канатовна жоғары дайындығы мен кәсіби шеберлігін көрсетіп, жүлделі
ІІІ дәрежелі Дипломмен марапатталды.
Айсулу Канатовнаны кәсіби жетістігімен шын жүректен құттықтаймыз! Сізге сарқылмас шығармашылық энергия, жаңа белестер және шәкірттеріңіздің шыңдардан көрінуіне себепкер бола беруіңізді тілейміз!