5ә сыныбында «Әкенің өнегесі – ұрпаққа аманат» тақырыбында ерекше тәрбиелік мәні зор тәрбие сағаты өткізілді. Іс-шараға Мұрат Бексұлтанның әкесі, заң саласының қызметкері Абишев Куат Муратович қонақ ретінде шақырылып, оқушылармен өз өмірлік тәжірибесімен бөлісті.
Тәрбие сағаты барысында әке тұлғасы отбасының тірегі, тәрбие бастауы екені кеңінен түсіндірілді. Қонақ оқушыларға білімнің маңыздылығы туралы айтып, әрбір жетістікке тек еңбектің, табандылықтың арқасында жетуге болатынын атап өтті. Ол өз өмірінен мысалдар келтіре отырып, білімді болу – болашақтың кепілі екенін жеткізді.
Сонымен қатар, тәрбиенің адам өміріндегі орны ерекше екеніне тоқталып, үлкенді сыйлау, кішіге қамқор болу, адалдық пен жауапкершілік сияқты қасиеттердің маңызын түсіндірді. Оқушыларға дұрыс жол таңдау, уақытты тиімді пайдалану және мақсатқа ұмтылу туралы құнды кеңестер берді.
Іс-шара барысында оқушылар өздерін толғандырған сұрақтарын қойып, әңгімеге белсене қатысты.