18  сәуір  №3 балалар музыка  мектебінде  дәстүрлі  ән  сыныбы  білім  алушылары  арасында  "Інжу - маржан"  атты  мектешілік  байқау ұйымдастырылды. Аталған  өнер  додасына  барлығы  14  оқушы  қатысып,  өз өнерлерін  ортаға  салды.Байқаудың басты  мақсаты - жас  өнерпаздардың  дәстүрлі  әнге  деген  қызығушылығын  арттыру, ұлттық  өнерді  насихаттау  және  сахна  мәдениетін  қалыптастыру  болды.Қатысушылар  халық  әндері  мен  белгілі  композиторлардың  шығармаларын  орындап,  өз  шеберліктерін  көрсетті.Өнер  сайысын  қазылар  алқасы  әділ  бағалады.Қазылар  құрамында  домбыра  сыныбының  оқытушысы,  бөлім  меңгерушісі К.Ә.Түсіпова, сондай- ақ дәстүрлі  ән  сыныбының  оқытушылары Д.А.Әбішкенова  мен  Т.М.Баекенова  болды.Олар  әр  қатысушының  дауыс  мүмкіндігін,  орындау  шеберлігін  және  сахнада  өзін  ұстауын  назарға  алды. Байқауды  оқушылардың ата-аналары  да  тамашалап,  жас  әншілерге  қолдау  көрсетті.Жылы атмосферада  өткен  шара  көрермендерге  ерекше  әсер  сыйлады."Інжу- маржан"  байқауы  жас  таланттардың  өнерге  деген  ынтасын  арттырып,  ұлттық  музықаға  деген  сүйіспеншілігін  нығайтқан  маңызды  мәдени  шара  болды.