№14 мектеп-гимназиясында «Бала тәрбиесі бәрімізге ортақ» тақырыбында 7Б сыныбының ата-аналар жиналысы өтті. Іс-шараны дайындаған сынып жетекшісі Жарылғасынқызы Айнұр. Биылғы оқу жылында ашылған сынып болғандықтан, жиналыс танысу сәтінен басталды. Ата-аналар ағаштың тамыры, діңі, жапырақтары деген 3 топқа бөлініп, бала тәрбиесіне байланысты «Сіздің отбасыңыздың құндылықтары», «Сіз балаңызды қаншалықты жақсы білесіз?», «Жағдаяттар», «Бала тәрбиесінде қиындық туғызатын мәселелер» деген тренингтерге қатысты. Жиналыс қызықты және мәнді болып өтті.