Бүгін мектебімізде 10–11 сынып оқушыларына арналған кәсіби бағдар беру мақсатында маңызды кездесу өтті. Қарағанды қаласы, Қазыбек би атындағы ауданның қорғаныс істері жөніндегі бөлімінің әскери дайындық, бастапқы әскери дайындық және әскери-техникалық мектептер бойынша инспекторы Ахимбекова Айжамал Ермекқызы келіп, мазмұнды дәріс оқыды.
Кездесу барысында ол оқушыларға әскери қызметтің маңызы, әскери мамандықтардың қыр-сырлары, болашақта әскер саласында білім алып, қызмет ету мүмкіндіктері жайлы кеңінен әңгімеледі. Сонымен қатар, жауапкершілік, патриоттық тәрбие және ел қорғау жолындағы абыройлы міндет туралы құнды ақпараттармен бөлісті.
Дәріс оқушылардың қызығушылығын оятып, олардың кәсіби бағдарын айқындауға үлкен үлес қосты.

https://www.instagram.com/p/DRTg50ninjU/?utm_source=ig_web_copy_link&igsh=MzRlODBiNWFlZA==