25 қараша күні мектебімізде «Сарыарқа дарыны» балаларға қосымша білім беру аймақтық ғылыми-практикалық орталығы» КММ мен «Қарағанды қаласы білім бөлімі» ММ және Қарағанды қаласы «№19 жалпы орта білім беретін мектебі» КММ бірлескен ұйымдастыруымен Алаш қозғалысының көрнекті қайраткері, ұлт ұстазы Міржақып Дулатұлының 140 жылдық мерейтойы аясында «Міржақып әлемі: елдік пен еркіндік өнегесі» облыстық шығармашылық байқауы өтті. Байқау барысында келген қонақтармен қазылар алқасымен сұхбаттастым. Міржақып атамыздың ізін жалғар ұрпақ ретінде мен үшін ұстаздармен сұхбаттасу – тек әңгіме емес, рухани сабақ іспетті болды. Әр ұстаздың айтқан ойы, әрбір сөзі мені Міржақыптай ұлтқа қызмет еткен тұлғалардың биік мұратына тағы бір қадам жақындатқандай.

Мен сұхбаттасқан әр ұстаз маған өз саласының ғана емес, руханияттың да шамшырағы болып көрінді. Олардың жауаптары терең, тұщымды, шынайы. Әр сөзінің ар жағынан елдік мүдде, ұрпақ қамы, білімге деген адалдық сезіліп тұрды.
Осындай ұстаздармен ой бөлісу – мен үшін үлкен мәртебе. Өйткені дәл осындай тұлғалардың жан жылуы мен даналығы біздің бойымызға Міржақып аманаттаған еркіндік рухын, елдік пен еңбектің қасиетін сіңіреді.
Менің ойымша, бүгінгі әрбір шәкірт осындай ұстаздардан тәлім алып, Міржақып әлемін таныса – оның ізін жалғар жаңа буын қалыптасады.

https://www.instagram.com/reel/DRgavQxk0Qy/?utm_source=ig_web_copy_link&igsh=MzRlODBiNWFlZA==