"Кітап оқитын ұлт" жобасы аясында бүгін сынып сағатында «Кітап оқитын ұлт» жобасы аясында біз тек кітап оқып қана қоймай, бір-біріміздің рухани әлемімізге үңілетін мүмкіндік алдық. Мектептің блогын жүргізетін оқушы ретінде мен қатарластарымнан оқыған кітаптары туралы шағын сұхбат алып, олардың кітапқа деген көзқарасын, қызығушылығын тереңірек таныдым.

Сұхбат барысында әр оқушының өзіне тән әдеби әлемі бар екенін байқадым. Бірі – шытырман оқиғаларға толы шығармаларды жақсы көрсе, енді бірі – өмірлік сабақ беретін психологиялық кітаптарды таңдайды. Кейбірі тарихи романдарды оқып, өткеннің өнегесін іздейді.

Менің қатарластарымның таңдаған кітаптары мені де ойландырды. Әрқайсысы өз әлемінен сыр шерткен сайын, менің де оқығым келетін жаңа кітаптар тізімі көбейе берді. Әңгімелесе отырып, бізге әлі де тануға, іздеуге, оқу арқылы өзімізді дамытуға тиіс қаншама әлем бар екенін сезіндім.

Бүгінгі кітап оқу сәті – жай ғана әдет емес, жүрекке жақын, жанға жылы бір орта қалыптастырған әсерлі кездесу болды. Кітап оқитын ұрпақ – ұлт болашағының жарқын кепілі екенін мен бүгін тағы бір мәрте түсіндім.https://www.instagram.com/reel/DRt8gURE7cp/?utm_source=ig_web_copy_link&igsh=MzRlODBiNWFlZA==