ҚР Оқу-ағарту министрі Ж. Сүйлеменованың тапсырмасы аясында еліміздің 20 өңірінде жүзеге асырылып жатқан «Келешек мектептері» жобасына арналған оқыту семинарлары педагогтер қауымының кәсіби дамуына тың серпін беруде.

Аталған семинарлардың негізгі мақсаты – педагогтердің кәсіби құзыреттілігін арттыру, заманауи оқыту әдіс-тәсілдерін тиімді қолдануға бағыт беру, білім беру сапасын жақсарту және мектепті басқаруда нәтижеге бағытталған жаңа көзқарасты қалыптастыру.

Осы маңызды бастамаға Қарағанды қаласы №19 мектептің әкімшілігі мен пән мұғалімдері белсенді түрде қатысуда. Семинар барысында инновациялық педагогикалық тәжірибелер ұсынылып, мұғалімдердің кәсіби дамуына кең мүмкіндіктер жасалуда.

Іс-шара аясында жаратылыстану-математикалық бағыттағы пән мұғалімдері өз тәжірибелерін жетілдіріп, заманауи білім беру технологияларын меңгеруде. Бұл өз кезегінде сабақ беру сапасын арттыруға, оқушылардың функционалдық сауаттылығын дамытуға және білім беру үдерісін жаңа деңгейге көтеруге ықпал етеді.

Аталған семинар мектепті басқаруда жаңаша, нәтижеге бағытталған көзқарасты қалыптастыруға, сондай-ақ педагогтердің кәсіби әлеуетін арттыруға зор мүмкіндік беретін маңызды алаң болып табылады. https://www.instagram.com/p/DTKq95CChib/?utm_source=ig_web_copy_link&igsh=MzRlODBiNWFlZA==