Республикалық «Таза Қазақстан» экологиялық акциясы және «Заң мен тәртіп» идеологемасы аясында Әшімов көшесіндегі Жаңа алаңда ауқымды «ECO FEST — Заң мен тәртіп»экологиялық фестивалі өтті. Бұл игі шараға №29 жалпы білім беретін мектебінің 7 «А» және 6 «В» сынып оқушылары ерекше белсенділік танытып, қатысты.

 

Фестиваль аясында жас экобелсенділер табиғатты қорғау мен қала тазалығын сақтаудың маңызын көрсетіп қана қоймай, экологиялық акцияға зор үлес қосты. Оқушылар жинаған пластик бөтелкелерін арнайы сыйлықтар мен билеттерге айырбастау акциясына қатысып, өз белсенділіктерінің жемісін көрді.

 

Бұл бастама балалардың экологиялық мәдениетін қалыптастырып, қоршаған ортаға деген жауапкершілігін арттыруға бағытталған маңызды қадам болды. Оқушыларды осындай игі іске баулып, ұйымдастыру жұмыстарына жетекшілік еткен сынып жетекшілері Макжанова Айгерим Балтабаевна мен Махамбетова Дана Балтабаевнаға алғыс білдіреміз!

 

Табиғатты бірге қорғап, туған қаламыздың тазалығына үлес қою – ортақ парызымыз!