Арғымақ мініп, ту алған бабам,
Үміт үзбеген ұлы армандардан.
Көк туым биік асқақ тұр бүгін,
Арылып шер мен мұнардан далам.
Көк туым жыры Еркіндігімнің,
Қырандай елім серпілді бүгін.
Қолға ұстап туды Отан деп айтқан,
Бұза алмас ешкім сертімнің бірін.
Көк туым – тірек, сүйініш маған,
Туған ел туын сүйіп ұстаған.
Алтын шапақты күннің астында,
Қыраннан басқа биік ұшпаған.
Атқанда азат мөлдіреп таңы,
Уілдер сәби, елжіреп кәрі.
Қастерлі кием, намысы елдің,
Көк туым тұрсын желбіреп мәңгі.
#ментуымдымақтанышетемін
#ягоржусьсвоимфлагом
Авторство:
