29 қараша күні 10 «А» сынып оқушылары мен қазақ тілі мен әдебиет пәнінің мұғалімі Мейрханова Раушан Оралханқызының ұйымдастыруымен мектебімізде «Өрлетті елді  Елбасы сыннан»тақырыбында конференция өтті.Конференцияның мақсаты– оқушыларға Қазақстан Республикасының Президенті Нұрсұлтан Назарбаев туралы жан-жақты түсінік қалыптастыру, елбасының қоғамға және мемлекетке сіңірген еңбегі, экономика мен саясаттағы реформаларына талдау жасау арқылы білімдерін толықтыру;оқушыларға 1 желтоқсан – тұңғыш президент күні екендігін, биылғы жыл бірінші рет мерекеленетіндігін түсіндіре отырып,жеке тұлғаның зияткерлік дамуын өз бетінше іздену, оқу арқылы қалыптастыру, жеке тұлғаның зерттеушілік және шығармашылық қабілетін таныту.10 «А»сынып оқушысы Жақыпбаева Гүлнұр артынан ерген қалың елдің сеніміне ие болған, әлемге өзінің сындарлы саяхатымен танымал болған Елбасы Нұрсұлтан Назарбаевтың еңбектері мен «Ғасырлар тоғысында», «Сындарлы 10 жыл», «Тарих толқынында», «Қазақстан жолы», «Еуразия жүрегінде», «Қалың елім, қазағым», «Әлем кіндігі», «Бесінші жол» кітаптарымен таныстырып өтті.  Қазақстан Республикасы Президенті Н.Ә. Назарбаевтың өмірі мен қызметі, саясаттағы, экономикадағы, мәдениеттегі атқарған игі істері жайлы жас зерттеушілеріміз өз жұмыстарын қорғады.Атап айтар болсақ, Альжанов Ақтан,Кәрім Еркеназ, Бакенова Гаухар,Каскатаева Динара,Омаров Флятай, Базкенов Ерасыл, Утегенова Жанымкүл сияқты жас зерттеушілеріміз мемлекетімізді жоғарғы лауазым президенттік қызмет-елдің, халықтың үміті мен сенімін, бабалар аманатын арқалаған ең жауапты, ең қиын міндет екендігін және бұл қызметті Отаны мен халқын шын сүйетін, ұлттық тілі , тарихы, мәдениетін  құрметтейтін, елі үшін отқа түсетін нағыз азамат, патриот қана атқара алатынын айтып өтті.                                        

                  Біз Республикамыздың тұңғыш Президенті Н.Ә.Назарбаевтың көшбасшылық еңбегіне, туған мемлекетіміздің  тәуелсіздігін  баянды етуге, қуатын арттыруға, оның игілігіне халықаралық қоғамдастықта абыройының өсуіне адал қызмет етуге парыздармыз.  «Атаның баласы болма,Адамның баласы бол» , - деп ұлы Абай атамыз айтқандай, қарапайым қазақ отбасында туып-өсіп тәрбиеленіп, ата өсиетін, ана ғибратын өмірлік азық еткен Елбасының ғажайып парасаты мен пайымы, ұлжандығы жас ұрпақ біздер үшін өнеге.

Авторство: