Балқаш қаласындағы республикалық "Балдәурен" оқу-сауықтыру орталығында мектебіміздің оқушылары 23.02 - 16.03 аралығында денсаулықтарын  нығайту және жаңа достар табу, білім мен өнерде тәжірибе алмасу мақсатында демалып қайтты. "Цифрлық Балдәурен IT технологиясының жас майталмандары"  аталған лагерьдің  ІІ кезеңінде оқу-сауықтыру күндерін өткізген оқушыларымыз көтеріңкі көңіл күймен оралды. Сондай-ақ орталықта ұйымдастырылған байқау, сайыс, жоба қорғау, топтық сайыстарында да Әлихан мектебінің  мәртебесін асқақтатып  әртүрлі номинацияларда сертификат, алғыс хат, мақтау қағаздарымен  олжалы оралды.