Семинар мазмұны бойынша мынадай жұмыстар талқыланып, тәжірибе алмасу жасалды:

 

"Оқуға құштар мектеп" жобасы аясындағы жұмыстар бойынша мектеп кітапханашылары Гүлнар Балтақызы мен Жаңагүл Карибаевна өз тәжірибелерін ортаға салды. 

"Дебат" ойынының маңыздылығы" тақырыбында жас тарихшы, еңбекқор мұғалім Жаннұр Ермекұлы дебаттың түрлеріне нақты тоқталып, оқушылардың  дебат барысында тиімді жауап қайтару әдістерімен бөлісті. 

"Өзін — өзі басқару" ұйымы жұмысының ерекшеліктері туралы Аға тәлімгер Жұлдыз Әділхайрқызы өзіндік іс тәжірибесінен қызықты  жағдаяттар келтірді. 

 

Семинар соңында үш тақырып бойынша кері байланыс жасалынды. Әлихан мектебі директорының оқу ісі жөніндегі орынбасары Жылкайдарова Айнаш Мүйтеновна қатысушылардан  сауалнама алып, ұсыныс — пікірлер ескерілетінін жеткізді.  Қорытынды кезінде Мағжан гимназиясының директоры Абылай Армияұлы, #36 ЖББМ —  ның директоры Жайран Жақыпбекқызы және  әр мектептен келген аға тәлімгерлер, кітапханашылар,  дебат жетекшілері өз ойларын ортаға салды. Келесі семинарда "Құндылыққа негізделген тәрбие мен білім беру" мәселесі аясында семинар өткізілу ұсынылды,  жолдастық кездесулер,  жаңа форматтағы сабақтар өткізу  жоспарланды. 

Алдағы уақытта семинарды өткізу #6, 36 мектеп ұжымына ұсынылды.