Менің сүйікті ұжымым! Тағы бір оқу жылы артта қалып, бүгін соңғы қоңырау соғылар сәт жетті! Кезекті еңбек демалысына шыатын күн де алыс емес. Қызығы мен қиындығы қатар жүретін ұстаздық ұлы жолда Әлихан мектебінің мұғалімдері ешқашан аянып қалған емес. Жас ұрпаққа білім беруде сіздердің орасан үлестеріңіздің бар екенін атап айтқым келеді. Мен өздеріңіздей сынақтарға сынбайтын, мойымайтын, жұмыла жүк көтеріп, әрқашан мектеппен бірге болатын жандармен еңбек етіп жүргенім үшін бақыттымын!
Әлихан мектебінде қызмет етіп, өз өмірін педагогикамен байланыстырған әрбір адамды нағыз халық қаһарманы деп айтар едім.
Құрметті Әлихан мектебінің ұжымы! Сіздерді ұстаздық өмірімізде алғаш рет 1 маусым, балалар күнімен қатар келген, СОҢҒЫ ҚОҢЫРАУ мерекесімен шын жүректен құттықтаймын!
Еңбектеріңіз табысты да тартымды, жемісті де жеңісті болсын!!!
Мықты денсаулық, қажымас қайрат, отбасыңызға амандық, береке мен мереке тілеймін!
Биылғы жылы мектеп қабырғасынан түлеп шыққалы отырған шәкірттеріміз барлық сынақтан сүрінбей өтіп, мектебіміздің атын аспандата берсін!
Әлихан мектебінің оқушысы деп ауыз толтырып айтатындай ұрпақ тәрбиелейтін ұстаздарымыз көп болсын!!!
Мен сіздермен мақтанамын! Жақсы көремін! Құрметтеймін!
Әлихан мектебінің директоры
Жапбарқұлова Айнұр Тұрғанбекқызы
Авторство:
