Әлихан Бөкейхан атындағы №76 Жалпы білім беретін орта мектепте «Жас ұлан» ұйымы мен 8 «ә» сыныбының ұйымдастыруымен «Аталар ерлігі – ұрпаққа өнеге» атты Ауған соғысының аяқталғанына 25 жыл толуына орай ардагерлермен кездесу өтті. Кездесуге Октябрь ауданы бойынша Ауған соғысы ардагерлер кеңесінің төрағасы Қасенов Қожахмет Сағындықұлы және ардагерлер Құнанбаев Асылхан Темірғалиұлы, Жариков Мұрат Қабышұлы қатысып, оқушыларға оз ерліктері туралы айтып берді. Жалпы іс-шараның басты мақсаты – өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету, Ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу. Кездесу соңында мектебіміздегі «Өзін-өзі басқару» ұйымының жас тілшілері ардагерлерден сұхбат алды.