Қарағанды қаласының 80 жылдық мерей тойының қарасаңыда Әлихан Бөкейхан атындағы №76 ЖББОМ-де 26.02.2014ж. күні мектеп кітапханашылары Г.Сүлейменова мен А.Блялованың ұйымдастыруымен «Алты алаш арысы-Әлихан Бөкейхан» атты кеш өтті. Мақсаты;   қоғам қайраткері, саясаткер, Алаш қозғалысының  жетекшісі ,  сондай-ақ талантты зерттеуші-ғалым   Ә.Бөкейханның өмірі мен ғылыми мұрасын, зерттеу еңбектерін жас ұрпаққа насихаттау, өз елінің патриоты болуға тәрбиелеу. Кеш   8 «б» сынып оқушысы Қалдыбекова Диананың орындауында Тәттімбет «Сарыжайлау»  күйімен ашылды.Кешке қатысқан  8-9 сынып оқушылары Ә. Бөкейханның ғылыми мұрасын, зерттеу еңбектерін жан -жақты талқылады. 8 «ә»сынып оқушылары М. Асенова Ә.Бөкейханның өмірі мен еңбек жолынатоқталды. Ә.Бөкейханның  Алаш қозғалысының негізін қалаушы  және жетекшісі болған, қоғамдық саяси іс әрекеттерін Ә.Райымбек  пен Г.Түкбаева баяндады. Әлихан Бөкейханның қазақ фольклорында «Қобыланды батыр» жырына қатысты зерттеу жүргізгені және әдебиет танушы, публицист  екенін Р.Нүрсейітов, Ә.Бөкейхан - ормантанушы ғалым  жайында Ә.Қосубаевамен,  Ж.Мағауия, Ә.Бөкейханның Абай мұрасын алғаш зерттегені жайлы Ж.Әлкенова ,Ә.Бөкейханның көркем аудармашы  еңбектерін Т. Мейрамбекұлы  баяндады. Сондай- ақ  Ә.Бөкейхан өз еңбектерінде қазақ, орыс мақал- мәтелдерін, әйгілі адамдардың сөздерін жиі қолданғаны жайлы 5 « а» сынып оқушысы Д.Абдрасилова айтып берді.9 «б» сынып оқушысы Тоқтамұратов Ж.  өзінің шығармашылығыанан «Әлихан бабаға» атты жыр- арнауын нақышына келтіре оқыды. Кеш соңында   кітап көрмесі таныстырылды. Оқушылар    пікірлерін айтып, ой бөлісті. Кешке қатысқан тәрбие ісінің орынбасарлары Б.И Қазыбековна мен С.Ж.Сәтбергеновна сөз алып, қатысқан оқушылар мен ұйымдастырушыларға алғыстарын білдірді.