Мектебімізде 23 қараша мен 3 желтоқсан аралығында бастауыш сыныптардың «Оқу – білім қазығы, білім – өмір азығы» тақырыбындағы онкүндігі аясында 1 «А» және 1 «Ә» сынып оқушылары күшімен «Ертегілер еліне саяхат» айдарында ертеңгілік өтті.Ертеңгілік мақсаты - балаларға ертегіні қабылдауға үйрету, сахналап беруге талпындыру, кейіпкердің мінез-құлқын сезіндіру, жақсы мен жаманды, адалдық пен зұлымдықты, шындық пен өтіріктің арасын айыра білуге, қайырымдылыққа , еңбексүйгіштікке тәрбиелеу. Ертеңгілік 3 кезеңнен құралған.1кезең «Мен қай ертегіденмін » деп аталады.Мұнда көрермендерге ертегілердегі кейіпкерлердің суреттері слайдтан көрсетіледі. Ал көрермендер оның қай кейіпкер және қай ертегіден екенін айтып берулері керек. 2 кезең «Кейіпкерлермен сырласайық» деп аталды.Бұл кезеңде бейнетаспадан ертегі үзінділері көрсетілді. Ал балалар олардың қай ертегіден алынғанын тапты. Екі кезеңнің тапсырмаларын дұрыс орындаған балалар ертегілер еліне «тап болады», яғни 3 кезеңге өтеді. 3 кезеңде оқушылар мен ата - аналар «Мақта қыз бен мысық» мюзиклін тамашалады. Сахна қойылымға сай безендірілді. Ертегіні сахналауға 2 сыныптан 13 оқушы қатысты. Балалардың әрқайсысы өз рөліне сәйкес костюм киді. Балалар ертегінің соңында әрдайым достық, адалдық жеңіске жететініне көз жеткізді. Ертеңгілікке жауапты 1 «А» сынып жетекшісі Түсенова Маржан және 1 «Ә» сынып жетекшісі Бакирова Динара, музыкалық көркемдеуге жауапты – музыка пәнінің мұғалімі Хажай Сәуле болды.