16 желтоқсан Тәуелсіздік күні қарсаңында «Бір ел- бір кітап» акция аясында қазақ әдебиетінің классигі, ұлы жазушы І.Есенберлиннің 100 жыл толуына орай жазушының «Көшпенділер» кітабы бойынша 8 сынып оқушыларының қатысуымен оқырман конференциясы өткізілді. Іс- шараның мақсаты – ең үздік деп танылған туындыны оқу және насихаттау, рухани мұрамызды сақтау, жас ұрпақты отаншылдыққа әрі өнегелілікке тәрбиелеу. Жас оқырмандар Ілияс Есенберлиннің «Көшпенділер» трилогиясында бес ғасырлық оқиға, яғни, XV-XIX ғасыр аралығындағы қазақ хандығы өмір сүрген кезеңдерін жан- жақты баяндап әңгімелеп, сахналық қойылым түрде көрсетті. Кеш соңында жазушының өмірі мен шығармашылығына арналған слайдтар көрсетілді, кітап көрмесі таныстырылды. Іс- шараны ұйымдастырушылар мектеп кітапханашылары Г.А.Сулейменова, А.Қ.Блялова және қазақ тілі мұғалімі Г.Б.Есентаева, 4 курс студенті Г.Жақан.