Мектебімізде  алты алаштың алғашқы көсемі Әлихан Бөкейханның туғанына 150 жыл толуына арналған іс-шаралардың алғашқы бастамасы "Алашым деген асыл ер" тақырыбындағы салтанатты  жиын өтті. Оқушыларға Әлихан есімінің қазақ үшін маңыздылығы насихатталып, еңбегі мен өмір жолынан үзінділер келтірілді.
  Мектеп әкімшілігі жыл бойы өткізілетін іс-шаралар жоспарымен таныстырып, барша мектеп ұжымын белсене атсалысуға шақырды.
  Алаш арысының мерейтойына арнайы жазылған, қазіргі таңда мектеп оқушыларының сүйікті әніне айналған "Мектебім Әлихан атында" әні шырқалып, ұстаздар мен оқушыларға ерекше рух берді.
  Мектебіміз үшін маңызды Әлихан бабамыздың мерейтойы  әрі қарай 13.01.2016ж  күні оқушыларымыз бен мұғалімдеріміздің  қатысуымен өтетін облыстық "Қазақстан-Қарағанды" арнасы арнайы ұйымдастырып отырған Әлихан Бөкейханның 150 жылдығына арналған "Ойталқы" бағдарламасында жалғасын табады.
    Мереке құтты болсын, Мәңгілік ел!