Бастауыш сыныптан жоғары сыныпқа қадам басқан оқушылардың бейімделуіне жағдай туғызу және ата-ана, мектеп, оқушылар арасындағы байланысты тереңдету, экологиялық тәрбие беру мақсатында 23 қыркүйек күні Майқұдық мәдениет саябағында «Бала шақтан - болашаққа» тақырыбында 5 сынып оқушылары, ата-аналары экологиялық жорыққа шықты.

Экологиялық жорыққа «Нұр Отан» партиясы «Жас Отан» Жастар қанаты Қарағанды облыстық филиалы төрағасының орынбасары Ернарова А.Е., мектебіміздің тәлімгері Есебаева О.Ж., педагог-психологы Акедилова К.К. қазылық етті. Жорық 5 айналымнан тұрды. Алдымен оқушылар «Бәріміз біріміз үшін, біріміз бәріміз үшін»-деп ұрандатып тазалық жұмыстарын жүргізді. Екінші айналымда жасырылған қазынаны іздеп тауып, соңы спорттық ойындарға жалғасты.

Төрт сыныптан құралған «Жасыл ел», «Болашақ», «Достық»,  «Бірлік» атты  топтар жан-жақты дайындалып, белсенді қатысты. Әділқазылардың шешімімен жеңген топ марапатталды.