АТА-АНАМЕН ЖҰМЫС – ТӘРБИЕ ЖҰМЫСЫНЫҢ МАҢЫЗДЫ ФАКТОРЫ

«Отбасы-мектеп-оқушы» үштігінің бүгінгі таңда маңызы ерекше. Бүгінгі шындықта отбасы мектеппен бірге тәрбиелік ортаның тұтастай негізігі ықпал ету факторына айналдыру мәселесі төтесінен қойылып отыр. Ал бұндай ерекше әрі сындарлы жұмыста сынып жетекшісінің фигурасы басты позицияда екені белгілі. Сонымен қатар, оның оқушы отбасымен берік әрі сенімді жұмыс векторын құра білу де жетістікке жетелейтіні сөзсіз. Осындай бірегей жетістіктерге жетіп, ата-ана қауымдастығымен адал, әділ, шынайы, риясыз, жүйелі бағытта бірлескен форматта жасөспірімдерге тәлім-тәрбие беріп келе жатқан сынып жетекшілері Шәкәрім гимназиясыныда баршылық. Солардың бірі – 8Д снып жетекшісі Буксман Виктория Викторовна. Сынып жетекшісі ретінде ата-аналармен түрлі форматта жүйелі жұмыс үлгісін көрсетіп келе жатқан Виктория Викторовна, осы жолы жоспар шеңберінде сыныппен «Жұмысшы – мерейлі мамандық» үндеуіне сәйкес ата-аналардың жұмыс орны, Қарағанды металл құю зауытына экскурсия жасап, мол жағымды әсер алып қайтты.

Жасөспірімдер санасына еңбекқор адам, жұмысшы мамандықтар құндылықтарын сіңіріп, еңбек адамын, еңбек түрлерін бөлмей бағалануы керек екенін көріп, ой түйді. Кез келген мамндықтың қадірі үстем болатынына көз жеткізген Шәкәрім жастарының жүректерінде «Мен де осындай жұмысшы болсам ба екен...» деген бір сәулелі ой орын алғаны сөзсіз.