2025 жылдың 21 мамырында Қарағанды қаласындағы Шәкәрім атындағы гимназияда мектеп директоры Ахметова Аягуль Нурабаевнаның ата-аналар қауымдастығымен есептік кездесуі өтті.

Есептік кездесу барысында бірқатар өзекті мәселелер қарастырылды. Ата-аналар қауымдастығы 2024–2025 оқу жылының қорытындыларымен таныстырылды.

Одан әрі гимназия директоры Ахметова А.Н. қатысушыларды Қарағанды қаласы білім бөлімінің және Шәкәрім атындағы гимназияның «Сыбайлас жемқорлыққа жол беретін себептер мен жағдайларды болдырмау туралы» бұйрықтарымен таныстырды.

Кездесу барысында 2025–2026 оқу жылына арналған ішкі тәртіп ережелері бойынша да түсініктеме берілді.

2025–2026 оқу жылына арналған бірыңғай мектеп формасы мәселесі ата-аналар үшін аса маңызды тақырыптардың бірі болды.

Сондай-ақ 2025–2026 жылдарға жоспарланған күрделі жөндеу жұмыстары мен оған дайындық барысы да жеке қарастырылды.

Ата-аналар тарапынан «Бота» мектеп жанындағы жазғы лагерьде оқушылардың жазғы демалысын ұйымдастыру мәселесі де өзекті болып табылды.

Өз сөзінде гимназия директоры Аягуль Нурабаевна жазғы демалыс кезеңінде балалардың қауіпсіздігін қамтамасыз ету мәселесіне ерекше назар аударды.

Кездесу соңында ата-аналар қауымдастығының белсенді өкілдері Шәкәрім атындағы гимназияның Алғыс хаттарымен марапатталып, мектеппен табысты серіктестігі үшін құрмет көрсетілді.

Есептік кездесуге 150-ден астам адам – сыныптардың ата-аналар комитеттерінің мүшелері мен гимназияның Қамқоршылық кеңесінің өкілдері қатысты. Кездесу өз мақсатына толық жетті.