Облыстық «Оқуға құштар мектеп» жобасы аясында гимназиямыздың оқушылары күзгі демалыс күндерін тиімді өткізіп, мектеп кітапханасына келіп, сүйікті шығармаларын оқуда. Балалардың өз еркімен кітап оқуға ұмтылуы - олардың әдебиетке, білімге деген қызығушылығының арта түскенін көрсетеді.

Кітапхана іші жылы шуаққа толы: әр бала өзіне ұнаған кітапты таңдап, тыныштықта қызыға оқуда. Бірі ертегілер әлеміне енсе, енді бірі тарихи, танымдық шығармалар арқылы жаңа мәліметтер алып, ой-өрісін кеңейтуде.

Кітап - білімнің қайнар көзі, рухани байлықтың бастауы.

Осындай сәттерде балалардың оқуға деген сүйіспеншілігі мен ізденіс рухы қуантады.