ТӘУЕЛСІЗДІК ТУЫ АСҚАҚТАЙ БЕР!

Терең мағыналы, еркіндік лебін сезінідіретін, рухты асқақтата түсетін қасиетті «Тәуелсізідік» сөзі бәріміздің жүрегімізде ұялайтын қастерлі күн – Тәуелсізідк күні. Бұл күн - тарихы қатпар-қатпар тереңде жатқан ұлтымыздың жаңа заманда терезесі тең болып, өз алдына егемен ел атанған күні!

Ел болып, ұлт болып, бабалар заманынан аңсаған күнге қол жеткізген Тәуелсіздігіміз мәңгілік болсын деген мақсатпен, елжанды өрендер жүрегіне егемендік, еркіндік, тәуелсіздік рухын сіңіру мақсатымен Шәкәрім гимназиясында «Жасай бер, Тәуелсіз Қазақстаным!» атты әдеби-музыкалық композиция көрермендерге тарту етілді.

Жас өрендер бойындағы ұлттық рух пен елжандылық, ұлтжандылық құндылықтарға сүйене отырып, мерекелік әдеби-музыкалық композицияның 1-бөлімінде (әдеби бөлімінде 10А сыныбының оқушылары өнерлерін паш етті) рухты «Желтоқсан-86» қаһармандарын, тарихын еске алып, тағзым етті, атап өтсек Мухаммедия Маликаның өнері үстем болды.

2-бөлім – «Тәуелсіздік – тұғырым» бөлімінде 2Б, 3Б сыныптары (сынып жетекшісі Сатинбекова Р.М.), 3Г сыныбы (сынып жетекшісі Гарбар Е.Н.), 7А сыныбының оқушысы, жезтаңдай әнші аруымыз Нұрланова Бағдат сынды өнерлі өрендер тұғыры биік Тәуелсіздікке би мен әннен тамаша мерекелік тарту жасады (көркемдік жетекшісі «Музыка» пәнінің мұғалімі Мақан Рәзия).

Көрерменнің көңілінен шығып, баршасын тәнті еткен гимназия парламентінің «Музыкалық өнер» фракциясының министрі Арыстанбеков Давид бастаған музыкалық топтың бірегей өнері. Заманауи музыкалық ансамбль құрған Шәкәрім жастары Давид Арыстанбеков (барабан, дауылпаз), Краснюк Никита (соло гитара, вокал), Пак Дмитрий (бас гитара), Анатасия Клочкова (соло гитара, вокал), гимназиямыздың өміріне жаңа леп беріп, жаңа жетістіктерге бастады.

Ендігі жерде біздің өрендеріміз нық әрі еркін түрде жырлайтын Тәуелсіздік, жарқын болашаққа қадам басады деген сенімдеміз!

Тәуелсіздік туын ұстап жоғары, асқақтатып бес құрлықтың бәріне, бүгінгі ұрпақ болар елдің ертеңі!

Тәуелсіздігіміз тұғырлы, егемендігіміз мәңгілік болсын!