Биылғы жылдан бастап, жетістік пен табысқа жеткен тұлғалардың іс-тәжірибесімен, бейнесімен танысу арқылы жас ұрпаққа патриоттық тәрбие беру және кәсіби бағдарлау мақсатында Қарағанды қаласының мектептерінде «Өнегелі өмір» жобасы іске асырылуда. Жоба аясында 2019 жылдың қараша айының 29 күні «№51 негізгі орта мектебі» КММ Қазақстан Республикасының суретшілер одағының мүшесі, атақты суретші – Абусева Роза Якубовнамен кездесу өткізді. Кездесуде Роза Абусевна өзінің суретшілік шығармашылығы жайлы баяндады, өмірінде болған қызық оқиғалар жайлы айтып, оқушылардың сұрақтарына жауап берді, қаламынан тамған өлеңдерін оқыды, өмірде қажет болатын кеңестерімен бөлісті.