«Мектебім – мейірім мекені»

Бүгін біздің білім ордамыз өз есігін айқара ашып, оқушыларды, ұстаздарды және ата-аналарды қуанышпен қарсы алып отыр. 1 қыркүйек – жаңа бастамалардың, тың ізденістердің және асқақ армандардың мерекесі.

«Мектебім – мейірім мекені» атты салтанатты жиынымыз – баршамызға ортақ қуаныш. Өйткені мектеп – тек білім беретін орын ғана емес, ол – мейірім мен махаббатқа, тәрбие мен достыққа толы шаңырақ.

Бұл күні алғаш рет мектеп табалдырығын аттаған бүлдіршіндер үшін жаңа өмірдің бетін ашатын сәт келді. Ал түлектеріміз үшін мектептегі соңғы оқу жылы басталып, үлкен өмірге қадам басар жауапты кезең күтіп тұр.

Салтанатымыздың құрметті қонағы – Полиция департаментінің Тергеу басқармасының бастығы, полиция полковнигі Мейманов Талғат Ниғматуллаұлы. Бүгінгі мерекемізді бірге атап өтіп, жас ұрпаққа қолдау білдіргеніңіз үшін шынайы алғыс айтамыз.