Жаңа жыл мерекелері қарсаңында, ғажайыпты күту мен мәдени алуан түрлілік атмосферасы ерекше сезілетін уақытта, мектептерде екінші шет тілінің елтану мәдениетін оқыту аясында неміс тіліндегі сахналанған әндер бойынша бейнероликтер Челленджі қайтадан өткізілді. Оның басты мақсаты – неміс тілін екінші шет тілі ретінде оқуға оқушылардың қызығушылығын арттыру. 2024 жылы өз тиімділігін дәлелдеген бұл Челлендж биыл да оқушылар мен мұғалімдерді шығармашылық әрі білім беру бағытындағы өзара ынтымақтастыққа біріктірді.

 

Биылғы Челленджге Қарағанды қаласының КММ «№3 гимназиясы» мен Қарағанды қаласындағы Абай атындағы мектеп-гимназия қатысты. Сондай-ақ бұл бастамаға Көкшетау қаласының №5 «Таңдау» көпсалалы мектеп-гимназиясы қосылды. Аталған оқу орны, КММ «№3 гимназиясы» сияқты, Гёте-Институттың қолдауымен жүзеге асырылатын PASCH (Schulen: Partner der Zukunft – «Болашақ серіктес мектептер») халықаралық жобасының қатысушысы болып табылады. Бұл жоба жастарды неміс тілін оқуға ынталандыруға, мәдениетаралық коммуникацияны дамытуға және тілдік білім беру саласындағы халықаралық ынтымақтастықты нығайтуға бағытталған.

 

Челлендж ережесіне сәйкес, мұғалімдер мен оқушылар Еуропа елдеріндегі, әсіресе Германиядағы желтоқсан мерекелерінің атмосферасын бейнелейтін музыкалық қойылымдар дайындады. Неміс тіліндегі сахналанған әндер Челленджін жыл сайын өткізу бастамасын Қарағанды қаласының білім бөлімі қолдаған КММ «№3 гимназиясы» көтерді.

 

Неміс тілі мұғалімдерінің жетекшілігімен оқушылар түрлі жанрдағы шығармашылық жұмыстарын ұсынып, тілдік дағдыларымен қатар артистік қабілеттерін, креативтілігін және командада жұмыс істеу біліктілігін көрсетті.

 

Челлендж қорытындысы бойынша келесі жұмыстар ұсынылды:

 

Қарағанды қаласының КММ «№3 гимназиясы» қағаз аппликациялы декорацияларды пайдалана отырып, «O Tannenbaum» сахналанған әніне бейнеролик дайындады.

Орындаушылар – Петерс Мария (11 «В» сыныбы) және Смирнова Алиса (10 «Б» сыныбы).

Бейнемонтажды Смирнова Алиса орындады.

Жауапты неміс тілі мұғалімдері: Заболотских Наталья Владимировна және Алипенкова Алина Евгеньевна.

 

Қарағанды қаласының Абай атындағы мектеп-гимназиясы «Ein kleiner weißer Schneemann» әніне қойылған би композициясын ұсынды. Орындаушы – «Ай-Керім» хореографиялық ансамблі (3–4 сынып оқушылары).

Композиция барысында 8 «Қ» сыныбының оқушылары Шоланова Алима мен Шарипова Дарияның Рождество және Жаңа жылға арналған құттықтауы орындалды.

Қойылымның жетекшісі – неміс тілі мұғалімі Сергебаева Жанар Алимхановна, хореограф – Оспанова Гүлжан Куттыбаевна.

 

Көкшетау қаласының №5 «Таңдау» көпсалалы мектеп-гимназиясы «Lasst uns fröhlich und munter sein» және «Advent, Advent, ein Lichtlein brennt» әндерімен бейнеролик ұсынды.

Орындаушылар: Азаматқызы Аруназ (7 «Д»), Вайденталь Владислав (7 «Д»), Кенжигали Сәлім (7 «Д»), Мейрам Самира (7 «Д»), Рахметов Эмиль (7 «Д»), Нуртдинов Ильнур (7 «Д»), Тарада Дарья (9 «В»), клипмейкер Варюта Дарья (9 «Б»), Сивкова Милана (6 «В»), Қайыртай Ленар (6 «В»).

Қойылым жетекшілері – неміс тілі мұғалімдері Аменова Асель Ертаевна және Ахметова Ляля Хамитовна.

 

Челлендж қорытындысы бойынша барлық қатысушы мектептерге келесі номинациялар берілді:

1. КММ «№3 гимназиясы» – «Шығармашылық көзқарасы мен қойылымның өзіндік ерекшелігі үшін»;

2. Қарағанды қаласының Абай атындағы мектеп-гимназиясы – «Ең үздік хореографиялық композиция үшін»;

3. Көкшетау қаласының №5 «Таңдау» көпсалалы мектеп-гимназиясы – «Мәдениетаралық диалог пен ынтымақтастық үшін».

 

Қарағанды қаласының білім бөлімі мен КММ «№3 гимназиясының» әкімшілігі барша қатысушыларды келе жатқан Жаңа жылмен құттықтап, Челлендж бастамасын қолдап, неміс тілін үйренуге және елтану мәдениетін насихаттауға ықпал еткен музыкалық бейнероликтер ұсынған мектептерге шынайы алғысын білдіреді.