Қарағанды қаласындағы №3 гимназияда қазақ тілінің латын әліпбиіне көшуін насихаттауға арналған шаралар жоспары бекітіліп, жұмыстар жүргізілуде. Соның бір дәлелі ретінде , бүгін , яғни 2017 жылдың  5 қазанында  жиын залында "Латын әрпіне көшу-заман талабы " атты ата -аналар мен мұғалімдерге арналған жиналыс өтті. Жиналысқа ҚарМу  профессоры , филология ғылымдарының докторы Адилова А.С. және "Өрлеу" мұғалімдердің біліктілігін арттыру институтының доценті, аға оқытушысы  Смагулова Ғ.Ғ. қатысып,   Елбасы қолдауымен жүзеге асқалы отырған  латын алфавитіне  көшу  қазақ тілінің  халықаралық дәрежеге  шығуына болашақ ,латынға көшу арқылы қазақ тілін табиғи таза қалпын  сақтап қалудың бірден бір амалы екендігін жетік түсіндіріп айтты.