2013 жылдың 22 қазаныкүні №81 ЖББОМ қазақ тілді мектептің мектепалды даярлық топтарында «Алтын күз» мерекесі ұйымдастырылды. Мектеп табалдырығын аттаған жас бүлдіршіндер осы мерекеде өз өнерлерін көрсетіп, ата-аналарын қуанышқа бөледі. Мектепалды даярлық тобының тәрбиешісі Р.М.Абильдина ғажайып күздің қандай қызықтары болатынын жас балғындарға әртүрлі ойындар, мақал-мәтел, жаңылтпаш жарысын өткізу арқылы сәтті жеткізе біліп, дүниетанымдарын кеңейте түсті. Балалар «Шалқан» атты сахналық қойылымда да өздерінің таланттарын аша білді.  Ән салып, би билеп  тақпақ оқыған балалар мерекені думанға бөледі.