Маусым айының 16-19 аралығында Қарағанды қаласының «Балалар мен жасөспірімдер сарайында» Қарағанды облысының білім басқармасы және ішкі істер басқармасының ұйымдастыруымен «Жас жол инспекторларының ХVI облыстық слеті» өткізілген болатын. Слетке Абыкенова Гульнур Оразовнаның және ішкі істер бөлімінің капитаны Скаков Есет Бейсенбаевичтің жетекшілігімен гимназиямыздың «Жолаушы» командасы қатысты. Слет қорытындысы бойынша М.Жұмабаев атындағы №39 гимназиясының «Жолаушы» командасы жүлделі ІІ орынға ие болып, дипломмен, белсенді қатысқаны үшін мадақтамамен марапатталып, «Үстел футболы» сыйлығына арналған сертификатқа ие болды.
Сонымен қатар, «Саптық байқау» номинациясы бойынша І орын, «Велосипедті мәнерлі жүргізуші» номинациясында І орын және «Жас жол инспекторлары» тақырыбындағы өлең номинациясы бойынша ІІ орынға ие болып, арнайы дипломдармен марапатталды.
Гимназия намысын қорғайтын жас инспекторлардың алдағы қадамдарына сәттілік тілейміз!
Контакты
