2015 жылдың 26 қыркүйек күні сағат 11.00 – де Қарағанды облысы білім басқармасы басшысының қатысуымен «Біз балаларды қалай қорғаймыз?»  тақырыбында бірыңғай  ата-аналар жиналысы өтті. Ата – аналар жиналысы 2 бөлімге бөлінді: 1 бөлімді– білім басқармасының басшысы онлайн  түрде өткізді, 2 бөлім – мектеп әкімшілігінің, тарих пәнінің мұғалімі және  мектеп психологының қатысуымен өтті. Алдымен директордың  тәрбие ісі жөніндегі орынбасары А.Т.Шайхин ата-аналарды күн тәртібімен таныстырды.

Күн тәртібінде қарастырылған мәселелер:

• ҚР нормативтік-құқықтық актілерін түсіндіру: балаларға зорлық -зомбылық көрсету және қатал қараудың алдын алу; Тарих және құқықтану  мұғалімі –Садирбеков А.Т. (5 мин)
• «Бейәлеуметтік жүріс-тұрыстың алдын алу» (психологиялық, физиологиялық зорлық, кемсітушілік, сексуалды сипаттағы қысымшылық, кибербуллинг және дискриминация, тұрмыстықзорлық-зомбылық) тақырыбында лекторий; Педагог-психолог Кулахметова А.Б. (10-15 мин)
• Интернет желісін пайдалануда балалардың ақпараттық қауіпсіздігін қамтамасыз ету мақсатында «Ата – аналар бақылауы»;  Директордың ақпараттық істер жөніндегі орынбасары – Касимова Д.А.(10 мин)
• Интернетке тәуелділікті болдырмау. Ата – аналар жиналысының тақырыбы бойынша ақпараттық жадынамалар мен бүкпе қағаздарды тарату; Директордың тәрбие ісі жөніндегі орынбасары- Шайхин А.Т. (10 мин)

Жиналыстың 1 - ші бөлімі 212 ақпараттандыру кабинетінде өтті. Ата-аналар жиналысына қатысқандар саны 24. 2 - ші бөлімі акт залында өтті.