Күзгі демалыс уақытында «Ғ.Мұстафин атындағы ЖББМ КММ 5-сынып оқушылары сынып жетекшілерімен бірге Астана қаласында болып қайтты. Бір күндік экскурсия балалар үшін аса тартымды, әрі қызықты болды. Астанамыздың символына айналған «Бәйтерек» монументі, «Ханшатыр» сауда және ойын-сауық орталығы, Есіл өзенінің жағалауында таза ауамен демалып қыдыру, Джунгли ойын-сауық орталығында түрлі аттракциондар теуіп, сыныптастармен бірге көңілді уақыт өткізу оқушыларымыздың бойында ұмытылмас әсер қалдырды. Тамаша көңіл-күймен қайтқан білім алушыларымыз келесі демалыс уақытын асыға күтуде!