Мектебімізде «Оқу шаттығы» жобасы аясында 5 «ә» сыныбымен Бердібек Соқпақбаевтың «Менің атым Қожа» кітабы оқылып, оқушылармен белсенді талқылау өткізілді. Бұл шараның мақсаты — оқушылардың кітапқа деген қызығушылығын арттыру, әдебиетке деген сүйіспеншілігін қалыптастыру және кітап оқудың бала тәрбиесіндегі маңыздылығын ұғындыру болды.
Талқылау барысында оқушылар кітаптың қызықты тұстарымен бөлісіп, кейіпкерлердің іс-әрекеттеріне терең талдау жасап, олардың мінез-құлықтарын түсінуге тырысты. Осылайша, олар өз ойларын еркін жеткізіп, кітап оқу баланың ой-өрісін кеңейтеді деген ортақ пікірге тоқталды.
Жақсы кітап — жан азығы, ол оқырманын кемелдендіріп, жаңа идеялар мен өмірлік мақсаттарға жетелейді. Адамның интеллектуалдық дамуы мен рухани өсуі үшін кітап оқудың ерекше мәні бар екені бәрімізге аян. Сондықтан жас ұрпақтың білімді болып қалыптасуы үшін оқушыларды кітап оқуға үнемі жетелеп, бағыт-бағдар беріп отыруымыз қажет.
Авторство:
