Жыл сайын 29 қазанда Қазақстан Республикасы Білім және ғылым министрлігі жанындағы балалар құқығын қорғау комитетінің бастауымен Қазақстан Республикасы көлемінде "Қайырымдылық күні" аталып өтеді. 

Бұл іс - шараның мақсаты - жетім балалар және ата - анасының қарауынсыз қалған балаларды өз жанұясына тәрбиелеуге алған жандарға деген алғыс сезімін білдіру және осындай қайырымдылық істерді қоғамда кеңінен қолдануға ықпал ету. 

Жетім балалар және ата - ананың қарауынсыз қалған балаларды жанұялық тәрбиеге беруді насихаттау мақсатында және Қарағанды қаласында отбасылық өмірді нығайту үшін Қайырымдылық күнін өткізу дәстүрге айналды.

Осылайша, 28 қазан күні Ғ.Мұстафин атындағы №83 ЖББОМ жоспар бойынша өткізілген Қайырымыдылық күнінде 6 жанұяның өкілдеріне алғыс айтылып, арнайы сыйлықтар тарту етілді.

Мектеп оқушыларының концерттік бағдарламасы да осы күнге және аталмыш қайырымды кісілерге арналды.

Іс - шара достық ниетпен жылы туыстық қарым - қатынас жағдайында өтті. Өз жанұясына жетім және ата - ананың қарауынсыз қалған балаларды өз жанұясына алған қайырымды кісі өмірде жақсы іспен танылып жүргенін шынайы сезді.