2026 жылғы 11 қыркүйекте «Назар аударыңыз, балалар!» жедел-профилактикалық іс-шарасы аясында Әлихан Бөкейхан атындағы полиция бөлімінің ювеналдық полиция инспекторы, полицияның аға лейтенанты Сабина Сагатовна Ербаева Жақып Ақбаев атындағы жалпы білім беретін мектептің «Жас сақшы» сыныбының оқушыларына дәріс оқыды.

Дәріс барысында буллинг, кибербуллинг, бопсалау, интернет желісіндегі қауіпсіздік, қоғамдық орындардағы тәртіп ережелері, сондай-ақ құқық бұзушылықтар үшін әкімшілік және қылмыстық жауапкершілік мәселелері түсіндірілді. Кәмелетке толмағандардың түнгі уақытта тұрғын үйден тыс жерде жүру тәртібі мен оған қатысты жауапкершілікке ерекше назар аударылды.

Сонымен қатар, оқушыларға қауіпсіз мінез-құлық қағидаларын сақтау, айналасындағыларға құрметпен қарау және құқық бұзушылықтардың алдын алу жөнінде ұсыныстар берілді.