11.12.13.күні №82 жалпы білім беру орта мектебінің  9ә сыныбында  Тәуелсіздіктің 22 жылдық мерекесіне байланысты  «Тәуелсіз  ел тірегі – білімді ұрпақ» атты  тәрбие сағаты өтті.

Тәуелсіздік – бұл болашақ ұрпақтарға қалдыру үшін көздің қарашығындай сақтайтын және нығайтатын біздің басты игілігіміз емес пе?!

Білім мен тәрбиені ұштастыра отырып, бәсекеге қабілетті жеке тұлға қалыптастыруда мектеп оқушыларымен өткізілетін тәрбиелік іс-шаралардың маңызы зор болмақ.

«Бұлақ көрсең, көзін аш» дейді халық даналығы. Алысқа қанат сермейтін талантты оқушыларға бағыт-бағдар бере отырып, жеке тұлғаның қалыптасуына жағдай жасау мақсатында  тәрбиенің бірнеше бағыттары бойынша жүзеге асырылатын сыныптағы  іс-шаралардың игі нәтижелері де аз емес.                                                                                                                        Бүгінгі сынып сағаты ең алдымен «Тарих терезесіне үңілсек..» танымдық бағдарламасымен бастау алған еді. Бағдарламаның жалғасы 9ә сыныбы және тәрбие сағатына арнайы шақырылған 8ә сынып оқушылары  арасынан  құралған «Алғырлар» мен «Тапқырлар топтарының өзара білім сынағына ұласты . Бағдарлама төрт кезеңнен тұрды: «Мен,мен,мен едім...», «Сен білесің бе?», «Мақал сөздің мәйегі»,    «Қазақстаным» ән сайысы.                             1 кезең ой қозғау сұрақтарынан мәселен, «егер  мен мемлекет басшысы болсам,...» не болмаса «1986 жылдың 16 желтоқсанында мыңдаған қазақ жастары ел тәуелсіздігі үшін алаңға шығып, құрбан болды, осы кездегі бейбіт өміріміз сол аға-әпкелеріміздің ерлік рухы арқылы келді, мен сол Желтоқсан құрбандарының ерлігін жасай алар ма едім?..» деген сынды сұрақтар қойылды.Соңғы кезең Қазақстан туралы әндер сайысымен аяқталды.                                                              Сайыс соңында «Білімді ұрпақ»атағы үшін сынасқан оқушылар арасынан ерекшеленген Жұмабаев А., Жанат Ә.,Маженов Е.,Ильясов Б.,Есжан М., Көлбай Д.. мектеп атынан грамоталар табыс етіліп, оқушылар ызғарлы Желтоқсан оқиғасына байланысты көзге жас үйіртетін бейнетаспаларды көрді. Соңында Желтоқсан құрбандарын аза тұтып, рухтарына бас иіп, 1 минуттық үнсіздік жасалды.
Өткізіліп отырған бұл шараның басты мақсаты – Тәуелсіздіктің 22 жылдық тойы маңыздылығын жас буынға насихаттау еді. Болашақ ұрпақты тек білім нәрімен сусындатпай, салт-дәстүрді, туған тілін, әдет-ғұрпын сақтауға үйрету, Отансүйгіштікке тәрбиелеу, еліміздің мықты тұлғаларын таныту қажет.
- Мұндай тәрбиелік маңызы зор қоғамдық мәдени іс-шарада оқушы-жастардың өзіндік қабілеттерін одан әрі дамытуды алдымызғы мақсат етіп отырмыз, - деп қорытындылады тәрбие сағатын  сынып жетекші Ғайша Смагулова және 8ә сынып жетекшісі Жанар Қазыбаева.